Oooooooh do gucken mol,
wie schää!
Seh ‘nas?
Ma siehds nit nur,
ma riechts ach,
was ä Wunner,
die Nadur!
Kaum kummdse raus,
do’d Groß,
schdreggde mol ihr Fieler aus,
do blinzeld alles mol zurick.
Hach,
was schääne Dache werma hawwe,
lossenen nei,
de Sunneschei!
Sunneschei
13 Mai 2012 um 20:35 (Pfälzische Mundartdichtung)
Tags: fühlen, herz, himmel, hoffnung, pfalz, pfälzer, pfälzische gedichte, Pfälzische Mundartdichtung, sonne, sonnenschein, sunneschei, träumen, welt
Schaddebabble
8 Februar 2011 um 18:37 (Pfälzische Mundartdichtung)
Tags: humor, pfälzische gedichte, Pfälzische Mundartdichtung, pfälzischer humor, schlägerei
Her, jetzt bass ä mol uff du Säggel:
bis zu eich Gäälfiesler niwwer is zwar noch ä ganz schää Schdiggl,
awwer du mit deine Gosch…ma määhnt grad do quakt die ganz Zeit än Frosch!
Herschd uff dod ganz Zeit Stänlich zu schnibbe
nur weild vergesse hoschd änner zu wennich zu kippe?
Ich bin jo eichendlich ä ganz ruhich Gemiet,
awwer die Schlabbelei – man ich bin miiet!
Loss mich narre in Ruh un geh hääm,
du Dubbackbeidelbloßer riddlscht ganzschä am Ohrfeichebääm!
Änni links un änni rechts, grad uffd Kerz,
des kummd vun denne Färtz!
Jetzad geschd zu weid!
Jungs haldn mich fesch…
Ja Mamme? Wass ich vorm Schbichel mach? Äh – nix – ja ich hol da glei die Grummbeere! Jahaa!
…morche geht’s weider, du Zehnächelpuler!
In dere klää Eck vum Land
20 April 2009 um 22:33 (Idee, Pfälzische Mundartdichtung)
Tags: mundart, mundartdichtung, pfalz, pfälzische gedichte, Pfälzische Mundartdichtung, wein
Im Norde ganz owwe,
do dut ma stinge,
dut ma nur Fischergeischd dringe.
In Bayern bei Jodler drunne,
im Süde,
do treibts Bier ganz wilde Triewe.
In de Midd,
in dem große Loch
hald ma Owens de Obschdler hoch.
Un in dere klääne Eck vum Land,
wo de Bachus schald un wald,
un `s ach de annre Gödder gfallt,
do fließts Erdblud wie de Rhei,
`s Beschd vum Beschd,
de Pälzer Wei!
‘s Beschd im Johr
5 April 2009 um 22:46 (Idee, Pfälzische Mundartdichtung)
Tags: Gedichte, mundartdichtung, pfalz, pfälzisch, pfälzische gedichte
’s is net schää draus,
’s rächend nur
weid un breid
drischdie Nadur.
’s Wedder schlacht uffs Gemied
Kä lauds Gekrisch
Kä lauds Gekich
ma is nur mied.
Doch’n Sunneschdrahl
im Pälzer Herz,
wo’s em ganz wärmer wärd,
bald isses widder soweit,
’s Beschd im Johr
die Weifeschdzeit!
